Gure herriaren atmosfera lasai eta erosoa bizitzera gonbidatzen zaitugu.

Naturak Gautegiz Arteaga inguratzen du padura artean gurutzatutako ibilaldi ederrak oparituz, artadi itxien babesean, gaztelu eta erroten ondoan. Urdaibaiko Biosferaren Erreserban murgilduta dago, eta paisaia eta ondare apartekoa eskaintzen du, landa-ingurune atsegin batean.

Gure kokapen bikainaz harro gaude, geure ondoan eskualdeko baliabide turistiko garrantzitsuak daude; beharrezkoak diren zerbitzuak ditugu egonaldi atsegina bermatzeko, eta harrotasunez gordetzen eta partekatzen ditugu gure tokiko tradizioak eta ohiturak.